Долларды қабылдамай жатыр. Ұлттық банк мәлімдеме жасады

Ұлттық Банк 1996–2013 жылдары шыққан АҚШ долларын айырбастау пункттерінің қабылдамауына қатысты мәлімдеме жасады, деп хабарлайды jasqazaq.kz.

Ресми мәлімдемеге сәйкес, қабылдануы қиындық тудырып жатқан банкноталар заңды төлем құралы болып табылады. Егер ақша түпнұсқа және бүлінбеген болса, айырбастау пунктері оларды комиссиясыз қабылдауы тиіс.
Комиссия тек жарамсыз немесе төлемге қабілетсіз банкноталар үшін ғана алынуы мүмкін.
Қазіргі таңда кейбір ақша айырбастау пунктері шетел валютасының ескіргенін нұсқап, үстінен комиссия алатын көрінеді. Егер айырбастау пункті негізсіз бас тартса немесе комиссия талап етсе, Ұлттық Банктің жақын филиалына шағымдануға болады.

JQ-Aqparat

Сурет: depositphotos.com/VadimVasenin