Дизель орнына бензин құйған жанармай құю бекетін сотқа берді

Алматы аудандық соты Астанадағы жанармай құю бекеттерінің бірінде көлікке дизель орнына бензин құйып, салдарынан қозғалтқыштың істен шығуына қатысты істі қарады, деп хабарлайды Baq.kz ақпарат агенттігі.

2016 жылғы қазан айында азамат Г. «Mitsubishi Delika» маркалы көлігімен Астанадағы жанармай құю бекеттерінің біріне барып, дизель отынын құятынын операторға ескерткен. Сосын кассаға барып, ол жерде де көлігіне дизель құйып алғысы келетінін айтқан.

«Бірақ жанырмай құю бекетінің қызметкері көлікке дизельдің орнына бензин құйып жіберген. Жанармай құю бекетінен 500 метр ұзаған кезде көлік кілт тоқтап, оталмай қалаған. Анықталғандай, дизель орнына бензин құйылған көліктің қозғалтқышы істен шыққан. Астана қаласы Алматы аудандық соты автокөлік иесіне 1 миллион теңге көлемінде шығынды өтеп беру туралы арыз-шағымды қанағаттандырды», — деп жазылған соттың хабарламасында.
Сот үкімі заңды күшіне енген жоқ.