Дінтанушы жемқорлардың жаназасын шығармауға шақырды

Мұрат Телібеков имамдарды елдегі жемқорлардың жаназасын шығармауға шақырды.

Қазақстан мұсылмандары атынан сөйлеуге әуес аты-шулы Мұрат Телібеков ара-тұра бас жарып, көз шығармаса да соған жақын жанжал тудыратын бастамаларымен таныс. Бұл жолы да қарап жатпай, имамдарды елдегі жемқорлардың жаназасын шығармауға шақырды.

Ол осылайша дінімізге қайшы келетінін не келмейтініне бас қатырып жатпай, өз атынан үкім шығарып отыр. Мұрат Телібеков имамдарды мемлекеттің коррупцияға қарсы күресіне осылайша қолдау көрсетете алатынын жеткізіпті. Ол тек шынайы тәубеге келіп, өз ісіне өкініп, жымқырған қаржыны мемлекетке қайтарған қылмыскерлерге бұл тыйымды қолданбауға шақырды.

stan.kz