Динара Зәкиева: Жамбыл облысында 13 жастағы қыз 6 жыл бойы туған екі ағасынан зорлық-зомбылық көрген

17 қазан, 11:06

Жамбыл облысында 13 жастағы қыз 6 жыл бойы туған екі ағасынан зорлық-зомбылық көрген. Бұл жаға ұстатарлық жағдайды Қазақстанның бала құқықтары жөніндегі уәкілі Динара Зәкиева мәлімдеді.

«Өңірлік уәкілмен бірге 6 жыл бойы туыс екі ағасынан зорлық-зомбылық көрген 13 жасар қыздың ісімен жұмыс істеп жатырмыз. Қылмыстық іс қозғалды, қыз анасымен бірге қауіпсіз жерге көшірілді, қажетті көмектің бәрі көрсетілуде. Облыс әкімінің орынбасарының төрағалығымен өткізілген көшпелі комиссия отырысының нәтижесінде аудан әкімінің орынбасары мен мектеп директорына қатысты шаралар қабылданды. Қыз оқыған мектеп – ауылдағы жалғыз мектеп. Бала психолог жинаған сауалнамада сигнал берген, бірақ онымен қажетті жұмыс жүргізілмеді. », — деп жазды ол әлеуметтік желідегі парақшасында.

Д. Зәкиева лауазымды тұлғаларды немқұрайлығы үшін жауапқа тарту мақсатында прокуратураға жүгінгенін айтты.

JQ-Aqparat