Динара Зәкиева: 12 жасқа дейінгі балаларды үйде қараусыз қалдыруға тыйым салу керек

Баланың ата – бала. Бес минутқа көзің тайып кетсе, бірдеңе бүлдіруге дайын тұрады. Ата-анасы есікті сыртынан құлыптап, көршіге кіріп шығам дегенше үйді өртеп жіберген жүгермектер қаншама!

Ондай кезде өздері аман қалса жақсы. Балалар омбудсмені Динара Зәкиева жыл басынан бері 15 өрттің салдарынан балалар мерт болғанын айтады. Көп жағдайда олар үйде жалғыз болған. Сондықтан ол 12 жасқа дейін балаларды үйде қараусыз қалдыруға заң жүзінде тыйым салу керек деген ұсыныс тастады.
«Осындай деректерді талдай келе, 12 жасқа дейінгі балаларды ересектердің қарауынсыз қалдыруға заң жүзінде тыйым салу қажет деп санаймын. Әрине, сонымен бірге көмекке мұқтаж отбасылар мемлекет тарапынан қарастырылған бағдарламалармен қамтамасыз етілгені жөн», — дейді Зәкиева.

JQ-Aqparat

Фото: baimedia.kz