Дәрінің бағасы шарықтап кетті

Әсіресе Алматы, Маңғыстау мен Атырау облысында фармацевтикалық өнімнің құны 10 пайызға шарықтаған. Бұл туралы КТК телеарнасы хабарлады.

Былтырмен салыстырғанда ел бойынша дәрілердің бағасы орташа 7 пайызға дейін көтерілген. Гармондық дәрілер 20, ал анельгетиктер 12 пайызға өскен. Асқазан ауруына ішетін дәрілер де қымбаттап, 9 пайызға жоғары боп тұр. Республика бойынша, Алматы облысы тұрғындарының қалтасына салмақ түсіп тұр. Басқа өңірлермен салыстырғанда бұл жақта дәрінің құны 14 пайызға қымбаттаған. Тек Шығыс Қазақстан облысында жағдай тұрақты. Қазақстандағы фармацевтикалық компаниялар зерттеу қорытындысы бойынша соңғы екі айды ішінде 4 тонна дәрі-дәрмек шығарған.