Дәрігерлер өрт сөндіру көлігі қаққан әйелдің жағдайын айтты (видео)

Алматының денсаулық сақтау басқармасының өкілдері өрт сөндіру көлігі қағып кеткен әйелдің жағдайы туралы айтып берді. 

 Tengrinews.kz хабарлағндай, зардап шегуші 60 жаста екені хабарланып отыр. Дәрігерлердің алдын ала диагнозы: жамбасы сынған және миы шайқалған. Ол №7 қалалық клиникалық ауруханасына жеткізілді. «Орташа ауыр жағдайда. Есін біледі. Кеше сынған сүйектерін бекіту операциясы болды. Шогы қайтты. Бүгін түрлі жарақаттар бөліміне шығарылды. 1-2 күнде жамбас сүйегінің қорытынды остеосинтезы жасалады», — дейді басқарма өкілдері. 15 мамырда өрт сөндіру көлігі жол талғамайтын көлікпен қақтығысудан қашып, Саин мен Жұбанов қиылысында әйелді қағып кеткен. Кейін көлік қоршауға соғылды. Оқиға артында келе жатқан көліктің видеотіркеу құрылғысына түсіп қалған.