Бүркіт есекке мініп елді күлкіге қарық қылды

Үш баланың әкесі атанған Бүркіт есекке мініп, желі қолданушыларын күлкіге қарық қылды. Ол осы суретке түсу үшін жануарға 10 секундқа мінгенін айтты.

Әнші суретін Instagram парақшасына жариялады.

«Адам өзін-өзі түрлі шектеулермен тыйып тастайды. Кейін сол шектеулерді елемейтін өзге адамға қызғанышпен қарап отырады. Мені қазір «Жануарға обал болды», «Басқа істейтін ісіңіз жоқ па?» деп сынайтындар табылады. Алайда, айта кетейік, мен суретке түсу үшін 10 секундқа ғана есекке міндім», — деді әнші.

Ал бұл суретті көрген оқырмандар күлкіге қарық болып қалды. «Көлігіңіз құтты болсын», «Жаңа тұлпарыңыз құтты болсын», «Ең мықты есек екен» деп жарыса жазды желі қолданушылары.

NUR.KZ