БҚО: Қаржы пирамидасын ұйымдастырушы сотталды

Батыс Қазақстан облысының Орал қалалық соты 2019-2020 жылдар аралығында «Качество PLUS» ЖШС қаржылық (инвестициялық) пирамидасын құрған Орал қаласының тұрғынын анықтады. Бұл туралы ҚР Бас прокуратурасының баспасөз қызметі жазды.

Инвестициялық жобаларды заңды түрде инвестициялаймыз деген желеумен ол 73 салымшының қаражатын заңсыз тартып, жоғары табысқа уәде берген. Оның қылмыстық әрекетінен соң жәбірленушілер жалпы сомасы 143 миллион теңгеден астам материалдық шығынға ұшыраған.
Одан әрі өзіне жеке басшылық бойынша барлық өкілеттікті бере отырып, ол азаматтардың тұтыну кооперативінен «Свой DOM.kz» және «Pater Hause» тұрғын үй-құрылыс кооперативінен жалпы сомасы 161 миллион теңгеден астам қаражатты ұрлаған.

– Мемлекеттік айыптаушының принципті ұстанымын ескере отырып, сотталушының қаржылық пирамиданы құруға және басқаруға, сондай-ақ қаражатты ұрлауға қатыстылығы дәлелденді. Сот сотталушыны кінәлі деп тауып, қаржы ұйымдарында басшы лауазымдарды атқару және 10 жыл мерзімге қаржы ұйымының мүшесі болу құқығынан айыра отырып, қылмыстық құқық бұзушылықтардың жиынтығы бойынша 7 жылға бас бостандығынан айырды, — деді Батыс Қазақстан облысының прокуратурасы.

Сонымен қатар сот үкімімен тыйым салынған жылжымайтын және жылжымалы мүлік, атап айтқанда жер телімі мен автокөлік келтірілген шығынды өтеуге жіберілді.

JQ-Aqparat