«Бізді құзырлы органдар қорқытты». Қаскөйдің қолынан анасы мен сіңлісі қаза болған қыздар жанайқайын жеткізді

16 қыркүйек 2024, 10:57

Түркістан облысында Қаскөйдің қолынан анасы мен сіңлісі қаза болған қыздар жанайқайын жеткізді.

Біз – Ақдидар Толғанбаева Ерланқызы, Райхан Толғанбаева Ерланқызы. ҚР Бас прокурорынан, Түркістан облысының әкімі Дархан Сатыбалдыдан көмек сұраймыз. Анамыз бен сіңілімізді айуандықпен өлтірген Ақанов Абай Асхатұлын өмір бойына бас бостандығынан айыруды талап етеміз. Біріншіден сұрайтынымыз, аудан әкімінен бастап түгелдей басшылықтарды, аудандық ішкі істер бөлімі басшылары және олардың орынбасарлары, білім саласында №13 Т.Бигелдинов атындағы мектептің директорына және орынбасарларына шара қолдануды сұраймыз. Менің және сіңілім екеуіміздің сұрап отырғанымыз, зорлық-зомбылықпен, айуандықпен айналысқан адамды мектеп қабырғасына қалай жұмысқа орналасқанын білгіміз келеді, – дейді олар.

Сонымен қатар құзырлы органдар қорқытқанын айтты.

Сіңілім екеуіміздң құзырлы органдар қорқытқаны үшін жазалауды сұраймыз. Біз іштей жылап, анам мен сіңілімді қара жерге тапсырып, ішімізді өртеп бара жатқанда, олар бізді қорқытты, – дейді олар.

JQ-Aqparat