Біртанов менингококк жайлы: Бұл індет емес

Денсаулық сақтау министрі Елжан Біртанов еліміздегі менингококк инфекциясына қатысты пікір білдірді. «Барлық өңірді бақылап отырмыз. Таңғы уақыттан бері еліміз бойынша 55 дерек тіркелді.

Менингококк инфекциясы ең көп тіркелген өңір Алматы, онда 31 жағдай тіркелді. Ақмола облысында — 2, Ақтөбеде — 3, Алматы облысында — 3, ШҚО-да — 4, Жамбыл облысында — 1, Қарағандыда — 1, Павлодарда — 2, ОҚО-да — 4, Астанада — 4. Бірақ бұл індет емес,» — деп жауап берді министр журналистерге. Сондай-ақ, министр ауа райына байланысты мұндай жағдайлардың әлі де тіркелетінін жоққа шығармады. «Дүйсенбіде Денсаулық сақтау басқармасының өкілдерімен және біздің комитеттегідермен бірге осы жағдайлардың алдын алуға бағытталған жоспарларды бекіттім. (…), — деді Біртанов. Сондықтан министр ата-аналарға балаларымен бірге көп адам жүретін жерлерге бара бермеуге кеңес берді. «Мешіттегілер бөлмені желдетіп тұруларын сұрады. Сондай-ақ, Мұсылмандар діни басқармасының өкілдеріне студенттерге ораза ұстауды тоқтатуларын сұрауды өтіндік. Себебі ораза кезінде организм жұмысы өзгереді, иммунитет де өзгереді», — деді ведомство басшысы. Мұнымен қоса, Біртанов ораза кезінде саяхаттамауға кеңес берді.

Tengrinews.kz