Бейіттің ішіне малын жайып жүрген азамат ұсталды

Қостанай қаласы ауыл шаруашылығы және ветеринария бөлімінің қызметкерлері әуежай маңындағы жылқылар жайылып жүрген бейітті тексерді.

Бұл туралы Alau.kz сайтына сілтеме жасап jasqazaq.kz хабарлайды. Тексеру барысында жылқыларын бейітте жайып жүрген адам қолға түсті. Ол осы бейіттің маңындағы фермалардың бірінің қожайыны екен.  «Қалалар мен елді мекендердің көріктендіру тәртібін бұзу, инфрақұрылым нысандарын қирату, қала мен елді мекендердің жасыл желектерін жою» 505-бап талаптарын бұзғаны үшін жылқылардың иесі жауапқа тартылды. Енді оған 72 мың 150 теңге көлеміндегі айыппұлды төлеу қажет»,-деді Қостанай қаласы әкімдігінің ауыл шаруашылығы бөлімі жетекшісінің міндетін атқарушы Арман Ахметқали.

Әуежай маңындағы зиратқа «Стикс 2012» ЖШС-і қызмет көрсетеді. Оларға зиратты жіті бақылауды қолға алып, адамдар жерленген аймақта малдың жүруіне жол бермеу жөнінде кеңес берілді.   Айта кетейік, осыған дейін бейітте жайылып жүрген жылқыларға қатысты қостанайлықтар шағым жасаған болатын.