Бәріне ұнауым шарт емес: Дариға Бадықова желідегі шуға қатысты пікір білдірді

02 желтоқсан 2024, 17:35

Актриса әрі кинопродюсер Дариға Бадықова желідегі шуға қатысты пікір білдірді. Осыған дейін актрисаның әлеуметтік желідегі «Таптым-ау сені 2» фильміне емес, «Моанаға» барып жатқандарға реніші көпшілікке ұнаған жоқ болатын.

«Ұялмай басымды тік көтеріп айта аламын! Хейтерларды да, қуантып қою керек. Өсек айтып, жерден алып жерге салудың жүгі ауыр. Бәріне ұнауым шарт емес. Бірақ қалың көрерменге рахмет айтамын. Таптым-ау сені ұнап жатыр шынымен! Осы жолы бөлім керемет шықты, шүкір! Одан кейін балалар мультфильмге бармасын деген жоқпын. Әңгіме өрбіген кезде Голливуд жайында айттым! Өзіміздің киноны голливудпен салыстыру, әбестік емес! Сондай ойда жеткізілді. Бұрмалаудың қажеті жоқ», — деп жазды актриса.

Ол сондай-ақ хейтерлерге амандық тіледі.

«Өз елімнің киносына бармаңдар деген жоқпын кейібір кісілер сияқты. Мен қаным қызу адаммын есігің алдындағы ит жаман десе, намыстанатын. Хейтерларға тілерім өмірлері тыныш жақындары аман болсын. Жеті ұрпағына жететін жақсылық жасасын», — деді Д.Бадықова.