Балалар кірпіш үйіндісінің астында қалды (видео)

Қытайдағы елді-мекендердің бірінде келеңсіз оқиға орын алды. Құрылыс жүріп жатқан аймақта ойнап жүрген балақайлар абайсызда үйіліп тұрған кірпіштің астында қалып қойған. 

 NUR.KZ. хабарлағандай, ұл бала мен оның әпкесі құрылыс маңында ойнап жүріп, аса ауыр кірпіштер құрбаны бола жаздаған. Күнделікті қозғалыссыз тұрған кірпіш үйіндісі дәл сол күні балаларды өзінің астына басып қалды.

Құрылыс жүріп жатқан аумақты мекен етіп үйреніп қалған қытайлық балақайлар дәл үйіндінің қасында ойнап жатқанында кірпіштер бірінен кейін бірі құлай бастаған. Оқиғаның куәгерлері үйіндінің қопарылып құлайын деп жатқанын аңғара сала, көмектесуге жөнелген.
Абырой болғанда балақайлар ажал аузынан аман қалды. Бірден ауруханаға жөнелтілген олар орташа деңгейдегі жарақаттармен құтылғандары белгілі болған.