Бөтеннің тойында көңіл көтерген келіншек ұятқа қалды

Павлодарда үйлену тойға келіп көңіл көтерген келіншектің әрекеті той қонақтарының ашуын келтірді. Шақырылмаған қонақ ақсақалдармен бірге ортаға шығып тілек те  айтқан. Тіпті той ойындарына қатысып арнайы сыйлық та ұтып алыпты. Келіншектің бөтен адам екенін білген той иесі одан кетуін өтінген. Бұл туралы той иесі informburo.kz сайтына хабарлады.

Тойдағы қалыңдықтың туысы Әлия Жүрқабаеваның айтуынша,  той басталып «Жар-жар»  әні айтылған сәтте қасына бөтен келіншек келеді. Ол өзін қалыңдықтың туысымын деп таныстырды. Алайда ол әйелді ұзату тойында көрмеген.

Ал сол күні той тізгінін ұстаған асаба Айдар Құрымбаев мұндай оқиғаны алғаш рет кездестіргенін айтады.