Атырауда екі әйел жаға жыртысты (видео)

Атырауда екі әйел арасында өзара келіспеушілік туындап, оның арты аяусыз төбелеске ұласты. Бір-бірін ұғыныса алмай қалған азаматшалар мәселені жұдырықпен шешуге бел буған деп хабарлайды NUR.KZ.

Оқиға қала орталығындағы бейнекамераларға түсіп қалған. Атырау тұрғындары арасындағы төбелес әлеуметтік желіге де тарап үлгерді.

Бейнежазбада келіспеушілік салдарынан әйел адам өзінің қарсыласын пакетпен ұрып жібергені байқалады.

Артынан азаматшалар бірін бірі итеріп, шаштарын жұлқылауға кіріседі. Іске жұдырықтарын қосқан әйелдер өзара аяусыз соққылармен алмасты.

Куәгерлер қала ортасында шу шығарып, төбелескен әйелдерді ажыратпақ болғанымен, оларды тоқтату қиынға түскен.

Екі атыраулық тұрғынның осылай жұдырықтаса кетуіне не себеп болғаны әзірге белгісіз.

😒🤛Драка попала в объектив камеры видеонаблюдения📹 #пдд #362 #7292 #mangistau #domadomaproduction #domadoma #na_dorogah_aktau #актау #актаусити #дтп #актау7292 #aktau #aktau7292

Публикация от На дорогах Актау (@na_dorogah_aktau) 29 Май 2018 в 7:05 PDT