«Atamnyn Amanaty» еріктілері волонтерлер слетіне қатысты

«Atamnyn Amanaty» қоғамдық бірлестігінің еріктілері волонтерлер слетіне қатысты. Бұл күндері Астанада АӨСШК Жастар кеңесінің қолдауымен Қазақстан Республикасы Мәдениет және ақпарат министрлігі ұйымдастырған волонтерлер слеті өтіп жатқаны белгілі.
Іс-шараның мақсаттары мен міндеттеріне келер болсақ, ол мәдениетаралық түсіністікті дамытуға және қатысушылар арасындағы сенімді нығайтуға, Азия құрлығында бейбіт қатар өмір сүру мен ынтымақтастыққа ықпал етуге бағытталған.

Алқалы жиынның панельдік сессияларында денсаулық сақтау саласындағы волонтерлердің рөлі, төтенше жағдайлар кезіндегі волонтерлік, әлеуметтік және инклюзивті волонтерлік, зияткерлік волонтерлік: ондағы инновациялық тәсілдер мен халықаралық тәжірибе, волонтерлердің экологиялық мәселелерді шешудегі үлесі сияқты мәселелер талқыланды.
Жиын барысында «Atamnyn Amanaty» қоғамдық бірлестігінң еріктілері де өздеріне пайдалы, өмірде қажетті ақпараттарға ие болып, басқа елдерден келген әріптестерімен тәжірибе алмасқаны анық.

Абзал Ибрагим