Астанада Дүниежүзілік тазалық күні аясында экологиялық акциялар өтті

Бүгін – бүкіл әлемде Дүниежүзілік тазалық күні (World Cleanup Day). Осыған орай, елордада «Таза Қазақстан. Астана – тазалық пен тәртіп үлгісі» экологиялық акциясы аясында мәдениет министрлігі өкілдерінің қатысуымен ауқымды жалпықалалық сенбілік өтті.
Сондай-ақ Талдыкөл қалалық жағажайында «Көлді аяла» экологиялық акциясы өтті. Іс-шараны «Birgemiz:Taza Alem» жалпыұлттық жобасы шеңберінде Қазақстан Республикасы Мәдениет және ақпарат министрлігінің қолдауымен «Әлеуметтік жобалар қоры» корпоративтік қоры ұйымдастырды.
Сенбілікке мәдениет және ақпарат министрлігінің қызметкерлері, сондай-ақ республикалық жастар және волонтерлік ұйымдардың өкілдері қатысты. Акция аясында Талдыкөл қалалық жағажайында 100-ге тарта адамның қатысуымен бір тоннаға жуық қоқыс жиналды.

JQ-Aqparat

Сурет: Мәдениет және ақпарат министрлігі