Әскери қызметшілер құрылыста жүр ме? ҰҚК шекарашыларға қатысты видеоны түсіндірді

Кеше «Egov press» Telegram-арнасында Атырау облысында әскери қызметшілер салынып жатқан облыстық прокуратура ғимаратына құрылыс жұмысына тартылғаны туралы ақпарат тарады.  Кейін олар Шекара қызметінің әскери қызметшілері екені белгілі болды.

Tengrinews.kz тілшілері Ұлттық қауіпсіздік комитетінің баспасөз қызметіне хабарласып, тараған ақпараттың шындыққа жанаспайтынын хабарлады.

«Әскери қызметшілер Атырау облысы Шекара қызметі департаменті бастығының бұйрығы негізінде Құрманғазы ауданында жаңадан салынған шекара бөлімшесінің қажеттіліктеріне арналған материалдар алу үшін өңірлік прокуратураға жіберілді. Сонымен қатар, әскери қызметшілерді шаруашылық жұмысқа тарту Қарулы Күштердің жалпы әскери жарғысының талаптарына қайшы келмейді», — деп жауап берді Ұлттық қауіпсіздік комитетінің баспасөз қызметі.

 

Посмотреть эту публикацию в Instagram

 

Публикация от EGOV.PRESS (@egovpress)

JQ-Aqparat

Сурет: Видеодан скриншот