Аршавиннің әйелі күйеуімен көңіл көтерген алматылық қызды сөгіп тастады

Алматылық «Қайрат» командасының футболшысы Андрей Арашавиннің жары қазақстандық модель Ольга Семенованың өзін қорқытты деген айыбына жауап берді деп хабарлайды Total.kz сайтына сілтеме жасаған NUR.KZ.

Бойжеткен спортшының әйелі Аршавиннің модельді құшақтап тұрған видеосы пайда болғаннан кейін «саусағын кесемін» және «анаша салып жіберемін» деп өзін қорқытқанын айтты.

«Өзгелердің есебінен атағын шығарып, ақша тапқысы келетін кезекті адам. Ол бай еркектерді құрығына түсіргенді жақсы көретінін өзі ашық айтты», — деп мәлімдеді Аршавиннің жары RT арнасына берген сұхбатында.

Алиса Аршавиннің айтуынша, оған жұбайы мен Семенованың бірге жүрген желідегі видеосы оған еш әсер етпеген. Себебі ол басынан-ақ Аршавиннің танымал тұлға екенін түсінген және бұған көндіккеннен басқа шара жоқ.

«Мен Аршавинмен мейрамханада қатар отырған 25 жастағы қыз үшін еш уайымдамаймын. Семёнова клубқа келіп, видеоны түсірген соң қайтып кеткен. Жұбайымның өзі ол видеоны бойжеткеннің ертеректе неге жарияламағанын түсіне алмады. Еркектер бар болғаны мейрамханада демалған, одан артық ештеңе болмаған», — деп атап өтті ол.

Еске салсақ, модель Аршавиннің әйеліне «Аэрофлотта» орын алған оқиғамен қатар айып тақты. Спортшының жарын борттағы тәртіпті бұзғаны үшін екі баласымен лайнерден шығарып жіберген.