ANTIKOR «ақшаны бояу» жобасын қолға алды

Сыбайлас жемқорлыққа қарсы қызмет мемлекеттік органдармен бірлесіп «ақшаны бояу» жобасын енгізуге кірісті, деп хабарлайды jasqazaq.kz.

Мемлекеттік қаражаттың жұмсалуына бақылауды күшейту мақсатында Сыбайлас жемқорықққа қарсы іс-қимыл агенттігінің баспасөз қызметінің мәліметінше, бюджетті игеру кезінде «ақшаны бояу» тетігін енгізу жобасы қолға алынбақ. Бұл тетік «Цифрлық теңге» платформасында іске асырылып, қаражатты жұмсау кезінде ашықтықты қамтамасыз етудің және жемқорлық тәуекелдерін азайтудың маңызды құралы болып табылады.
Бұл бюджет қаржысын бөлуден бастап толық игеруге дейінгі барлық кезеңдерде пайдалануды бақылауға мүмкіндік береді. Әрбір теңге бірегей цифрлық белгіні алып, жымқыру мүмкіндігін болдырмайды және бюджетті ұтымды пайдалануға ықпал етеді.
Ағымдағы жылдың 19 желтоқсанында Сыбайлас жемқорлыққа қарсы іс-қимыл агенттігі аталған жобаны іске асыру мәселелері бойынша ведомствоаралық кеңес өткізді.
Оған Парламент Мәжілісінің депутаттары, Ұлттық Банктің, қаржы, көлік, өнеркәсіп және құрылыс, ауыл шаруашылығы министрліктерінің, сондай-ақ мүдделі мемлекеттік органдар мен ұйымдардың өкілдері қатысты.
Бүгінгі күні жобаны іске асыру ауыл шаруашылығы, автомобиль және теміржол құрылысы сияқты стратегиялық маңызды секторларда басталды.
Ақмола облысында «Ауыл аманаты» бағдарламасы аясында ауыл шаруашылығы жануарларын сатып алуға микрокредиттер беру және техника шығындарын субсидиялау сынақтан өтуде.
Құрылыс саласында бұл тетік Атырау облысындағы құны 2,1 млрд теңге болатын «Мұқыр-Құлсары» автожол учаскесінің жобасында және Қарағанды облысындағы 160 млрд теңгеден астам сомаға «Достық-Мойынты» теміржол учаскесінде пайдаланылады.
Қатысушылар механизмнің одан әрі табысты жұмыс істеуінің маңызды құрамдас бөлігі мемлекеттік органдардың енгізілетін ақпараттық жүйелерімен толыққанды интеграция болып табылатынын атап өтті, бұл осы салаларда бюджет қаражатының нақты пайдаланылуын бақылауды едәуір арттыруға мүмкіндік береді.
Кеңесте «ақшаны бояу» тетігін қолдану нәтижелері және оны одан әрі енгізу перспективалары, жымқырудың алдын алудың және бюджет қаражатын ұтымсыз пайдаланудың тиімді және пәрменді практикалық құралы ретінде қаралды.
Талқылау барысында мемлекеттік органдарға тәуекелдерді міндетті түрде пысықтай отырып және бизнес-қоғамдастықтың мүдделерін сақтай отырып, аталған бағыттар бойынша жұмысты жалғастыру ұсынылды.
Кеңес қорытындысы бойынша осы инновациялық құралды басқа салалар мен салаларға қолдануды одан әрі кеңейту және масштабтау бойынша бірқатар ұсыныстар әзірленді.
JQ-Aqparat
Сурет: Antikor Телеграм-каналы