«Amanat» партиясы «BizBirgemiz» қорына қатысы жоқ екенін мәлімдеді

«Amanat» партиясы «Biz Birgemiz» қорының жұмысына қатысы бар деген ақпаратты жоққа шығарды.

«Amanat» партиясы «Biz Birgemiz» қорының құрылтайшысы саналмайтынын (толық атауы: «Biz Birgemiz Qazaqstan 2030» ҚБ) және оның қызметіне ешқандай қатысы жоқ екенін түсіндіре кету қажет деп санаймыз», — делінген партия таратқан хабарламада.

Сондай-ақ «Amanat» партиясы биыл сәуір айында «Жастар Рухы» жастар қанаты су тасқыны кезеңінде апаттан зардап шеккен тұрғындарға көмек көрсетіп, ауқымды жұмыс жүргізгенін айтып, белсенділер мен волонтерлер көптеген қайырымдылық ұйымы, соның ішінде «Biz Birgemiz Qazaqstan 2030» ҚБ қоры жинаған гуманитарлық көмекті жеткізуге атсалысты деп мәлімдеді.

JQ-Aqparat

Сурет: Әлеуметтік желіден