Алып шаһарда үсіп қалғандардың саны артты

Алматыда 70 шақты адамды үсік шалған. Оның 25 ауруханаға жатқызылыпты. Соңғы бір аптада қол-аяғын аяз қарып, дәрігер көмегіне жүгіндер саны күрт артқан. Бұл туралы КТК телеарнасы хабарлады.

23 қаңтардап бастап шаһардағы ауруханаларға 69 адам үсіп келсе, оның 44 тіне алғашқы көмек көрсетіліп, үйлеріне жіберіліпті. 15 адам әлі ауруханада жатыр. Дәрігерлер олардың жағдайы қалыпты дейді. Аяз күшіне мінген күндері ел бойынша 300-ден аса адамның денелерін үсік шалыпты. Қазақстандықтарды біраз әбігерге салған аяздың беті қайта бастады. Мамандар осы апта күн райы қалыпқа келіп, кей өңірлерде тіпті плюс 3 градусқа дейін жылы болады деп отыр.