Алматының автобусында жүру қауіпті ме? Үш адам жүргізушіні аямай соққыға жықты

Кеше кешке Алматыда жолаушылар автобусында жаға ұстатарлық оқиға болды. Үш ер адам аяқ астынан бір жолаушыны тепкінің астына алады. Содан кейін қолына түскендерді төмпештей бастаған. Біреуі тіпті әйел адамды ұруға ұмтылған, бірақ үлгермепті.

Айқай-шудан құлағы тұнған жүргізуші автобусты тоқтатып, бұзақыларды тыныштандырмақ болады. Бірақ аналар одан сайын еліріп, жүргізушіге тап берген. Біреуі оны тұншықтырып, асфальтқа алып соққан. Қалған екеуі бастан теуіп жатқанда, үшіншісі көмекке ұмтылғандарды жібермей тұрған.

Жүргізуші есінен танып қалғанда, әлгі үшеу зытып отырған. Біраз уақыттан кейін жүргізуші есін жинап, бетін жуады да, автобусты айдап кете береді.

Осы оқиғаның бейнежазбасын Qumash Телеграм-каналы жариялады. Әзірге қалалық полиция департаменті үнсіз.

JQ-Aqparat