Алматылық тұрғын көршілеріне оқ атты (видео)

Есірткі қолданған алматылық тұрғын көршілеріне пневматикалық қарудан оқ жаудырды. Аталған жайт туралы NUR.KZ хабарлады.

Видеодан «Дубок» шағын ауданында полицейлер мен белгісіз ер адамның арасында қарулы қақтығыс орын алғанын көруге болады.

Есірткінің әсерімен алматылық тұрғын көршілеріне пневматикалық қарудан оқ атқан. Бұл жайтқа қатысты Алматы қалалық ІІД пікір білдірді.

«Әуезов аудандық ІІБ жанындағы полиция бөлімшесінің қызметкерлері 1983 жылы туған «Дубок» шағын ауданының тұрғыны ұсталды. Ол көршілеріне пневматикалық қарудан оқ атқан. Абырой болғанда, зардап шеккендер болмады. Азаматтың әрекеттері Қылмыстық кодекстің 293 бабы 3-тармағы — газды қару қолданып бұзақылық жасады деп танылды. Қазіргі таңда сотқа дейінгі тергеу жұмыстары жүргізілуде.
Ер адам Алматы ІІД уақытша қамау изоляторына қамалды.

Медициналық сараптамаға сәйкес, қамауға алынған азамат есірткі қолданғаны белгілі болған.