Алматылық әже немересін ағасы зорлағанын айтып үш жылдан бері жазалата алмай жүр

01 маусым 2018, 17:39

Айжан Карменова есімді тұрғын үш жылдан бері Алматы қалалық ІІД-не хабарласып, немересін зорлады делінген күдіктінің жазасын өтеуін талап етуде.

Айтуынша, күдікті – қыздың ағасы. 2010 жылы 9 жасындағы немересін зорлаған. Қыздың әкесі қайтыс болған. Қызы бұл жайлы анасына айтқанымен, ол ешкімге тіс жармау керектігін айтқан. 5 жылдан соң бұл жайлы әжесі біліп, сотқа арызданады. Бірнеше сараптама оның қылмысын дәлелдегенімен күдікті әлі бостандықта жүр.

«Үш рет психологиялық комиссия мен сот-медициналық сараптама тағайындалып, бәрінде расталды. Бірақ бұл іс неге тоқтап тұр? Неге сотқа жіберілмей жатыр?», – дейді әжесі.

Құқыққорғаушы Дина Смаилованың айтуынша, былтыр 699 бала сексуалды зорлыққа ұшыраған. Мұндай істі сотқа жеткізу қиын мәселе. Іс дәлелбегендіктен жабылып қалады. Тек тергеушілер ғана ексерген болады.

«Біз арыз-шағым жазамыз. Ол тергеушіге жіберіледі. Тергеуші мұның өзіне артық жұмыс болғандықтан бәрі дұрыс деп жаза салады. Мұндай істер толып жатыр», – дейді «#НеМолчи» зорлыққа қарсы қозғалысының көшбасшысы Дина Смаилова.

stan.kz