Алматыдағы күзетші өлімі: Тергеу қайта басталады

Алматыдағы «Меркур Тауэрс» тұрғын үй кешенінің күзетшісін көлігімен бірнеше рет басып өлтірген күдіктіге қатысты тергеу қайта басталды, деп хабарлады inform.kz Алматы қалалық полиция департаментіне сілтеме жасап.

«Бұған дейін сотқа дейінгі тергеу сот-психиатриялық сараптамаға байланысты тоқтатылған болатын. Қазір өндіріс қайта басталды.Қажетті сараптамалар тағайындалды.Тергеу аяқталғаннан кейін қылмыстық іс материалдары сотқа жолданады»,- деп хабарлады ведомстводан.

Бұған дейін прокуратура сот психологиялық-психиатриялық сараптамасының қорытындысы негізінде ҚР Қылмыстық іс жүргізу кодексінің 511-бабы 2-бөлігі 2-тармағына сәйкес, күдікті психиатриялық көмек көрсететін арнайы медициналық орталыққа жатқызылғанын мәлімдеген еді.
Осыған байланысты соталды тергеп-тексеру мерзімі ҚР ҚІЖК-нің 45-бабы, 7-бөлігі, 4-тармағы негізінде тоқтатылды.

JQ-Aqparat