Алматыда жылу қашан қосылады?

Алматыда қыркүйектің ортасынан бері күн салқын. Күндіз 20-22 градус жылы болғанымен, кешке қарай температура күрт түседі. Қанша дегенмен тауда жауған қардың ызғары білінеді. Сондықтан әсіресе көп қабатты үйде тұратындар қалтырай бастады.

Енді, міне, жақсы жаңалық:   7-11 қазан аралығында жылуды кезең-кезеңімен қосуды бастайды. Әдеттегідей, ең алдымен балабақша, мектеп және медициналық мекемелер сияқты әлеуметтік нысандарға жылу беріледі. Алматы әкімінің баспасөз қызметі хабарлағандай, маусымға дайындық деңгейі 99 пайыз.
Ал тұрғын үйлер жылуға қашан қосылады? Әкімдік хабарламасында «5 күн қатарынан температура +8 градусқа дейін төмендесе, жылу маусымы 15 қазанда басталады» делінген.

JQ-Aqparat

Сурет: Алматы әкімдігінің Телеграм-каналы