Алматыда туризм саласы рекордтық өсім көрсетті

Былтыр тоғыз айдың ішінде Алматыға 1,7 миллион адам келді, деп хабарлайды jasqazaq.kz. Алматы әкімдігінің мәліметінше, бұл алдыңғы жылмен салыстырғанда 14,2 пайызға көп. Сәйкесінше, салық түсімдері екі есе — 85,5 миллиард теңгеге дейін артқан.

Туризм саласына салынған инвестиция да айтарлықтай өсті — 92,9 миллиард теңге.

Жеке қаражат есебінен қалада 35 жаңа орналастыру нысаны ашылды. Атап айтсақ, 20 қонақ үй, 4 глэмпинг, 8 хостел және 3 шағын қонақ үй, соның арқасында 836 бөлме қосылды.

2025 жылы Алматы позициясын Орталық Азияның жетекші туристік орталығы ретінде нығайту үшін инфрақұрылымды белсенді түрде дамытып, инвесторларды тартуды жалғастырады.

JQ-Aqparat

Фото: sxodim.com