Алматыда студенттің денесі табылды: Полиция қылмыстық іс қозғады

Бүгін Алматыда Almaty Management University студенті суицид жасады.

Университет басшылығы таратқан хабарламада:

«Almaty Management University студентіміздің қайғылы қазасы туралы терең күйзеліспен хабарлайды. Қайғылы жағдайдың себептері мен мән-жайын құқық қорғау органдары анықтап жатыр. Университет барлық қажетті қолдауды көрсетіп, оқиғаның барлық мән-жайын анықтауға көмектеседі», — делінген.

Университет бұқаралық ақпарат құралдарынан марқұмның отбасына құрметпен қарап, тексерілмеген ақпаратты таратпауды өтінді.
Алматы полиция департаменті оқиғаға қатысты қылмыстық іс қозғалғанын мәлімдеді.

JQ-Aqparat