Алматыда бүркітшілер сайысы басталды

Алматы қаласында «Қыран — 2018» бүркітшілер сайысы басталды. Бұған дейін дәстүрлі шара қалада емес, облыс аумағында өткізіліп келген еді, деп хабарлады Хабар 24.

Бұл жолы ұйымдастырушылар құсбегілер бәсекесін Алматы ипподромында өткізуді жөн тауыпты. Бүркітпен қатар аңға қаршыға, ителгі мен лашын құстар түседі. Жарысқа еліміздің 11 аймағынан барлығы 51 құсбегі қатысады. Сайыс үш күнге жалғасып, жеңімпаздар сенбі күні анықталмақ. Бағдат Мүптекеқызы, «Қыран» қоғамдық қорының атқарушы директоры: – Жарыс үш кезеңнен тұрады. Бірінші құстардың шеберлігі, өзінің иесімен арақатынасы. Ертең, екінші күні қоянға саламыз. Сосын үшінші күні еркін аң аулау дейміз. Көп бүркітшілер дайындықтары жақсы болып жатса, ары қарай қасқырымыз бар. Көреміз қалай болатынын.