Алматыда бір күн бұрын жоғалып кеткен топ-менеджер өлі табылды

10 қазан 2024, 19:10

Алматы облыстық полиция департаментінің баспасөз қызметі хабарлағандай, бүгін Іле ауданы Өтеген батыр ауылының шетінде 42 жастағы ер адамның денесі табылды. Ол бір күн бұрын Алматыда із-түссіз жоғалып кеткен Lenovo компаниясының топ-менеджері Ермек Жақыпжанов болып шықты.

Полиция адам өлтіру фактісі бойынша қылмыстық іс қозғаған. Жедел іздестіру шаралары барысында Қарағанды облысының криминалдық полиция қызметкерлері 24 жастағы күдіктіні анықтап, уақытша ұстау изоляторына қамады. Қазіргі уақытта қылмыстың мән-жайы мен себептерін анықтау үшін тергеу жүріп жатыр. Қылмыстық іс қозғалды.

JQ-Aqparat