Алматыда автономды кітапханалар пайда болды

15 қантар, 16:05

Оңтүстік астанада кітапқұмарлар үшін тамаша жаңалық: бұдан былай қоғамдық орындарда орнатылған автоматты құрылғылардан кітап алуға болады, деп хабарлайды jasqazaq.kz.

Алматы әкімдігінің Телеграм-каналындағы ақпаратқа сәйкес, шаһардағы метро бекеттерінде, ХҚКО-ларда, сауда орталықтарында және жастарға арналған комьюнити орталықтарында кітапты тегін алуға болатын 24 құрылғы орнатылды.

Бұл қызметті пайдалану үшін оқырман билеті қажет. Билет алу үшін аппараттың жанында тіркелуге болады.
Сондай-ақ оқырман билетін «Алматы кітапханаларына» қарасты 28 кітапханада рәсімдеуге болады. Қалада үш кітапхана тәулік бойы жұмыс істейді.
Сонымен қатар, кітаптарға almatylibrary.kz сайты арқылы онлайн тапсырыс беруге болады.