Алматы полициясы өртенген көліктерді көрсетті (Видео)

Алматы қалалық полиция департаменті бүлінген көлік тұрағында қанша көлік тұрғанын мәлімдеді.

Полиция департаментінің мәліметінше, жаппай тәртіпсіздіктер салдарынан 165 қызметтік көлік зақымданған, оның 53-і өртенген. Зақымдалған көліктердің ішінде 64-ін қалпына келтіру мүмкін емес. Жаппай тәртіпсіздік пен қарулы шабуылдан келген залалдың алдын ала қорытындысы бойынша: – 5 фронт-офис өртенді: — Алмалы аудандық полиция басқармасы мен полиция департаментінің ғимараттары зақымданды; — 19 модульдік және 13 экологиялық бекет зақымданды және өртенді.