Алматы-Өскемен тас жолында 18 автокөлік соқтығысты (Видео)

15 қантар, 9:46

15 қаңтар сағат 07:30 шамасында “Алматы-Өскемен” тас жолының 28 шақырым учаскесінде (Алматы-Қонаев бағытында) 18 автокөліктің қатысуымен жол-көлік оқиғасы орын алды. Оқиға қалың тұман кезінде болды, деп хабарлайды jasqazaq.kz.

Қазавтожол мәліметінше, Алдын ала мәліметтер бойынша жүргізушілер шектеулі көрініс кезінде жылдамдық режимі мен қауіпсіз арақашықтықты сақтамауы салдарынан аталмыш оқиға орын алды.

«Оқиға болған жол учаскесі ІА техникалық санатқа жатады, 6 жолақты. Жолдың жүру бөлігі құрғақ, ақаусыз және бөгде заттар болмаған. Жол-көлік оқиғасы нәтижесінде зардап шеккендер мен қаза тапқандар жоқ», — делінген хабарламада.

Қазіргі таңда жол бойынан 18 көліктің 16-сы шығарылды. Екі көлік бөлгіш жолақтың бойында эвакуатор қызметін күтуде.