Алматы облысының полициясы Шерзаттың ағасының денесі табылғанын хабарлады

Алматы облысының полиция департаменті Талғар маңында 30 жастағы ер адамның мәйіті табылғанын хабарлады. Ол 4 қазан күні қайтыс болған Шерзат Полаттың ағасы болып шықты. Алдын ала мәлімет бойынша ер адам өз-өзіне қол салған.

Алматы облыстық ПД баспасөз қызметінің хабарламасында: «Аталған жағдай бойынша қылмыстық іс қозғалды. Қазіргі уақытта барлық мән-жайды анықтау үшін тергеу жұмыстары жүргізіліп жатыр. Әзірге істің қылмыстық сипаты анықталған жоқ. Марқұм Ш.Полаттың отбасы осы уақыт бойы тәртіп сақшыларының қорғауында болды. Сол күні күзетте болған полиция қызметкерлерінің айутынша, ер адам үйден 23:30-да шығып, өз көлігімен кетіп қалған»,- делінген.

JQ-Aqparat
Сурет: polisia.kz