Алданып қалмаңыздар! Министр Аида Балаева өз атынан жасалған алаяқтық әрекеттер туралы ескертті

ҚР Мәдениет және ақпарат министрі Аида Балаева өз есімін пайдаланып, жасанды интеллект көмегімен жалған дауыстық хабарламалар тарату фактілерінің жиілеп кеткенін мәлімдеді, деп jasqazaq.kz хабарлайды. Министр бұл әрекеттерді алаяқтық деп атап, халықты қырағылық танытуға шақырды.

«Осындай хабарламаларды елемеңіздер, бейтаныс нөмірлерді бұғаттаңыздар. Бұл – алаяқтардың әрекеті. Алданып қалмаңыздар. Өздеріңізді және жақындарыңызды сақтаңыздар!» – деп жазды министр Facebook парақшасында.

Министр халықты алаяқтық әрекеттерге қарсы мұқият болуға және күмәнді хабарламаларға сенбеуге шақырады.