Ақтөбедегі оқиға: кепілге алынған екі адам көз жұмды

14 қантар, 9:06

Ақтөбеде кепілден босатылған екі адам көз жұмды. 67 жастағы әйел ауруханаға апара жатқанда, 75 жастағы ер адам операция үстінде қайтыс болды. Аман қалған әйелге психологтар жәрдем беруде, деп хабарлайды jasqazaq.kz 24.kz телеарнасына сілтеме жасап.

Телеарнаның мәліметінше, үшінші жәбірленушінің жағдайы ауыр. Айта кетейік, 13 қаңтарда кешкі сағат 8-де «102» пультіне белгісіз біреу жеке үйлердің біріне кіріп, адамдарды кепілге алғаны туралы хабарлама түскен. Оқиға орнына жедел тергеу тобы, арнайы жасақ қызметкерлері, барлық шұғыл қызмет жедел жұмылдырылып, аудан қоршауға алынған.

Кепілге алынғандарды босату операциясы ұйымдастырылып, күдікті ұсталды. Қазіргі таңда бұл жайт бойынша қылмыстық іс қозғалып, тергеу амалдары жүріп жатыр.