Ақтөбеде бұралқы иттер ауладағы қой-ешкіні тартып кетті (Видео)

20 қантар, 12:37

Мұғалжар ауданы Жұрын ауылында бұралқы иттер қой-ешкіні тартып кетті.

Ақтөбе облысы Мұғалжар ауылында бұралқы иттер екі үйге шығын келтірді.

Облыстық ветеринария басқармасының хабарлауынша, оқиға 17 қаңтар күні түскен кейін болған.

— Мал иелері С. Молдашин мен Р. Төлепбаевтың айтуынша, 17 қаңтар сағат 15:00–16:00 шамасында 4 ит аулаға кірген. С. Молдашиннің 3 бас қойы мен Р. Төлепбаевтың 4 қойы мен бір ешкісін шабуылдады. С. Молдашиннің бір қойы өлді, екі қойы жарақаттанды. Р.Төлепбаевтың 3 қойы мен ешкісі өлді, қалған бір қойы жарақаттанды. Бұл жерге Жұрын ауылдық округінің әкімі, округтің учаскелік полициясы, мал дәрігері барып, С. Молдашин және Р.Төлепбаевтың өтініші бойынша ауылдық округте бұралқы иттерді аулау ұйымдастырылды. Өлген жануарлар мал қорымына шығарылып, жойылды. Жарақаттанған қойлар антибиотиктермен емделеді, — деп хабарлады Ақтөбе облыстық ветеринария басқармасы.