Ақтаулық сұлу күннің суығында шешініп суға түсті (видео)
Ақтау тұрғынының сең боп қатқан Каспий теңізіне шомылған суреті әлеуметтік желі қолданушыларын таң-тамаша етті деп хабарлайды NUR.KZ.
Бұл туралы ол өзінің Instagram парақшасында бөліскен.
Жарияланған фотосуреттер мен бейнелерде қыз алғашында жағажайда тұрып, кейін мойнына дейін мұзды теңізге түседі.
«Бір қарағанда суық! Бірақ мен батылдықты қолдаймын! Денем тітіркеніп кетті, бұл шынымен де тамаша», — деп жазады желі қолданушыларының бірі.
Ақтаулық «қар қызының» есімі – Зарина Андрюшина. 33 жастағы әйелдің күйеуі мен тоғыз жасар қызы да бар.
Заринаның айтуынша, ол Ақтауға 2011 жылы көшіп келген. Осыған дейін ол мүлдем Каспий теңізіне шомылып көрмегенін айтады.
Дегенмен тоғызыншы мамырда теңізге түсу туралы ойға келеді және содан бастап күнделікті шомылып тұрады.
Келіншектің сөзінше, осы әрекетінен кейін ол көптеген ауруларынан айыққан. Және суға түсіп шыққан соң өзін өте сергек әрі жақсы көңіл-күйде сезінетінін айтады.
Қақаған қыста теңізге шомылған келіншектің айтуынша, отбасы онымен бірге шомылмаса да, жылдың кез келген маусымында жағалауға жергілікті тұрғындар көп келеді.
WhatsApp: +7 705 717 9113
