Маңғыстау облыстық сыбайлас жемқорлыққа қарсы қызмет департаментінің басшысы міндетін атқарушы Шаймұрат Шәменов Каспий теңізі жағалауынан жер телімдерін рәсімдеуге қатысты тексеру жүргізілгенін айтты. Тексеріс барысында теңіз жағалауында туризмді дамыту бағытында 21 жер телімі негізсіз берілгені анықталды. Бұл туралы mangystaumedia.kz хабарлады.
«2021 жылы қала әкімдігі демалыс базасын салуға арналған игерілмеген 10 акр жерді кеңейту үшін іргелес жер телімінен 4,7 акр дерді жалға берді. Жердің игерілмеуіне байланысты оны мемлекетке қайтару туралы сотқа талап арыз түсті», – деді Ш.Шәменов. Бұдан бөлек Ақтау қаласының тұрғыны әкімдіктен теңіз жағасына қонақүй салу үшін алған 1,5 гектар жерін кеңейту мақсатында тағы да 1,4 гектар жерді қосымша жалға алған. Жалға алған жер үшінші тұлғаларға сатылған. Бүгінде сотқа жер телімін пайдаланбағы үшін мемлекетке қайтару туралы талап арыз жолданды. Жер қатынастары саласына жүргізген тексеруден кейін кәсіпкерге еш негізсіз берілген 7 гектар жер мемлекетке қайтарылған. Жер қатынастарына жүргізілетін мониторинг сыбайлас жемқорлық тәуекелдерінің негізінде іске асырылады.
JQ-Aqparat
WhatsApp: +7 705 717 9113
