Әнші Серік Ибрагимов әлеуметтік желіде отбасылық қаржыны әйелі ұстайтыны туралы сөз еткен.
«Жасыратыны жоқ, табысымның бәрін әйелім ұстайды. Ақша сол кісінің жауапкершілігінде. Қажет кезінде сұрап аламын. Бірақ сөздің шынын керек, әйелімнің табысы меннен көп. Бүгінгі жүріс-тұрысыма деп 500 мың теңге жіберді. Соны мен қанағат етемін. «Ақша – қолдың кірі», «Ақша адамды бұзады» деген пікірмен келісемін. Дүниенің соңынан қуған адам емеспін. Ақшаң болса көңілің тыныш, уайым жоқ. Қанша жерден теңге тапсаң да, берекесімен келгені дұрыс», — дейді өнер иесі.
JQ-Aqparat