АҚШ-та жаяу жүргіншілер көпірі адамдарға құлады (видео)

16 наурыз 2018, 12:25

АҚШ-тың Флорида штатында жаяу жүргіншілер көпірі қирады. Төтенше жағдайдан қаза тапқандар мен зардап шеккендер бар, — деп хабарлайды РИА Новости жергілікті БАҚ өкілдеріне сілтеме жасап.

Көпір Майамидің оңтүстік-батысында Халықарадық университеттің кампусы маңында орналасқан. БАҚ мәліметінше, салмағы 950 тонна болатын көпірдің астында бірнеше көлік қалып қалған. Оқиға орнында құтқару жұмыстары жүргізіліп жатыр. Оқиғаның мән-жайы анықталып жатыр. Басылымның мәліметінше, көпір инновациялық технологиялармен жасалып, жаяу жүргіншілер мен көлік құралдарына қауіпсіздікті кепіл етуі тиіс болған. Құрылыс жұмыстары 2019 жылдың басында аяқталады деп жоспарланып отыр.