Ақмола облысында «дропперлерден» 84 млн теңге өндірілді

Соңғы кезде қаскөйлер қылмыстық мақсатта пайдаланатын «дроппер» деп аталатын алаяқтық фактілері белең алды.

Көбінесе бұл адамдар өздерінің іс-әрекеттері қылмыспен байланысты екенін ашпай, оңай ақша табуға уәде береді.
Негізгі схемаларға қаржылық операциялар кіреді, мұнда «дроппер» заңсыз алынған ақшаны алаяқтарға, соның ішінде шоттары арқылы алады және аударады, банктік карталарды немесе қаржы жүйелерінің шоттарын береді, осылайша нақты қылмыскерлердің іздерін жасырады.

Мұндай фактілердің жолын кесу үшін Бас прокуратура мен Жоғарғы Сот ҚР АК 953-бабы тәртібінде негізсіз байытуға байланысты «дроппер» ақша қаражатын өндіріп алу тетігін әзірледі.

Бүгінгі таңда Ақмола облысы бойынша жалпы сомасы 84 млн теңгеге талаптарды қанағаттандыру туралы 64 шешім шығарылды Облыс соттарында осыған ұқсас 50 өтініш қаралуда.

Бұл ретте, «дроппер» алаяқтыққа тікелей қатысы анықталған жағдайда, олар қатысушы ретінде қылмыстық жауапкершілікке тартылады.
Алаяқтықтан басқа, есірткі сатудан алынған ақшаны жылыстату үшін азаматтардың банктік шоттарын қолдану фактілері болуы мүмкін. Бұл жағдайда азаматтар аса ауыр қылмысқа қатысушы болады.

Мұндай схемаларға қатыспау үшін «жеңіл» жұмыс ұсыныстарына абай болып, жеке банк деректерін бермеу керек және күдікті ұсыныстар туралы құқық қорғау органдарына хабарлаған дұрыс.

JQ-Aqparat