Әке құқығынан айыру туралы іс: Бішімбаев сотқа онлайн қатысты

Степногорск колониясында жазасын өтеп жатқан Қуандық Бішімбаев сот процесіне онлайн қатысты. Бұрынғы әйелі Назым Қаһарман оны әке құқығынан айыру үшін сотқа берген болатын. Қыркүйек айында сот оның шағымын қанағаттандырудан бас тартты. Бүгін іс апелляциялық сотта қаралды.

Іnformburo.kz жазғанда, сот процесінде Бішімбаев балаларына алиментті уақытында төлеп отырғанын жеткізді.

«Сенімхатқа келсек, мен қамауға алынғаннан кейін Қаһарманның адвокаты да, өзі де балалардың тегін өзгерту және сенімхат беру туралы құжаттарды берген жоқ. Алғашқы процестен кейін мен бірден қол қойдым. Егер бұл балалардың мүддесі үшін болса, олар өздерін жайлы сезінетін болса, қарсы емеспін», — деді Бішімбаев.

Балаларының шетелге шығуына мүмкіндік беретін сенімхатқа қол қойғанын айтқан Бішімбаев тағы бір жәйтке тоқталды. «Менің балаларым Салтанат Нүкенованы өгей шеше ретінде де, жақын адамы ретінде де қабылдаған емес. Керісінше, наурыздағы оқиғадан кейін оны жек көріп кетті. Үлкен ұлым араласқысы келген жоқ. Қаһарманның балаларға онымен оңаша қалуға тыйым салған», — деді.

Ақырында апелляциялық коллегия алғашқы сот шешімін күшінде қалдырды, яғни Бішімбаевті әке құқығынан айырған жоқ. Назым Қаһарман енді Жоғарғы сотқа шағымданбақ.

JQ-Aqparat