«Айлығыңды бізге бересің». Нұрсұлтан Жақсыген бұрынғы әйелінің өтірігін шығарды

Актер Нұрсұлтан Жақсыген тележүргізуші Анна Данченкоға сұхбат беріп, жеке өмірі туралы айтып берді.

Осыған дейін Нұрсұлтан Жақсыгеннің әйелі  ажырасудың себептерінің бірін айтқан болатын. Оның айтуынша, одан ата-енесі айлығын сұрап, қысым көрсеткен. Бірақ әзілкеш бұл сөздерін жоққа шығарды.

«Менің әке-шешем – зейнеткер. Сондықтан менің әйелімнен ақша сұрайтын ниеті де, пейілі де жоқ. Ол өзін ақтап алу мақсатында айтып жатқан шығар. Оның айлығы бізге не керек, мен өзім жұмыс істейтін болсам. Маған ол жұмыс істемесе де бәрібір. Мен өзімнің аманатым екенін, менің жауапкершілігім мен қамқорлығымда екенін де сезінемін, білемін, түсінемін. Әйелім үйде отырып қалмасын, ойы бөлінсін, адамдармен аралассын деген оймен, «жарайды, жұмыс істегің келсе, жұмыс істе» дедік қой. Бірақ жұмыстың да шекарасы болуы керек, ол сақталмады», – деді әзілкеш.

JQ-Aqparat 

Сурет: Ашық дереккөзден