Айгүл Иманбаеваның клипі сынның астында қалды (видео)

16 мамыр 2018, 15:41

Осыдан бірнеше күн бұрын «Senorita» деп клип түсірген Айгүл Иманбаева сынның астында қалды. Желі қолданушыларына әншінің шетелдік азаматпен бірге ақ төсекте кофе ішкені ұнамай қалған.
NUR.KZ. хабарлағандай, Прагада түсірілген бейнебаян мен ән оқырман көңілінен шыққанымен, клипке түскен шетелдік азамат желі қолданушыларын алаңдатып қойды. «Ақ халатпен төсекте құшақтасқаны масқара ғой», «Дап-дардай ұлыңыз бар ғой», «Клип әдемі. Бірақ сенің қазақтың қара келіні болып қалғаның дұрыс», «Клипті Баян түсіргесін төсек міндетті түрде болады», «Кәрі түйе ойнаса жұт болады», «Төсексіз де бақытты екеніңді көрсетуге болмас па?», «Мына клип сізді құртты», — деді наразы болған желі қолданушылары.
Айта кетейік, күні кеше Айгүл Иманбаева желідегі парақшасына белгісіз жігітпен түскен суретін жүктеп, елді қызықтырып қойған болатын.