Әйелдерге «қызмет» көрсететін жігіттер туралы не білеміз?

Қазақстанда бұрыннан-ақ сағаттық жігіт қызметі дамыған. Оларды электр сымдарын жөндеу үшін, сантехникалық мәселелер бойынша шақыртатын. Ал қазір жалғызбасты әйелдер басқа да түрлі мақсатта «күйеужігіттерді» жалдайды деп жазады NUR.KZ.

Еліміздегі хабарландыру сайттарында сағаттық «күйеужігіт» немесе «ер азамат көмегі» бойынша жарнамалар толып жатыр. «Жуан қолды» жігіттер кез-келген істі тындырып, құбырды жөндеп, электр сымдарын ретке келтіріп беруге дайын.

Алайда хабарландыру ішінде жалғызсыраған әйелдерге өздерін, яғни бір сағатқа тәнін ұсынатын азаматтар да бар екен.

Мәселен мына қызық хабарландыруда астаналық жігіт өзінің бір сағатын 5000 теңгеге бағалапты. Оған бонус ретінде клиентіне массаж жасап беруге дайын көрінеді. Үсен тіпті өзінің суретін де жүктеп қойыпты.

Тағы бір екіойлы азамат — Ақтөбенің Макс есімді тұрғыны екен. Ол біреуге сағаттық күйеу болып беру қызметін «сапалы әрі қолжетімді» атқаратынын жазған.

Тағы бір ақтөбелік «сері» өзін сағатқа немесе бір түнге жалдауға болатынын жазыпты. Түсінікті болу үшін, тіпті, әдемі жұптың суретін де салып қойған.

Редакциядан осындай қызмет иелерінің біріне хабарласып көргенімізде, олар бейсенбі күнге дейін бос орын жоқ екенін айтты.

Осылайша, «сағаттық күйеужігіттерге» сұраныс жоғары екені дәлелденді. Сондай-ақ, олар шын мәнінде қызметін сағатпен көресетеді екен.