Әбиба Әбужақынова: Олимпиада медалінсіз тұрмысқа шықпаймын (Видео)

Әбиба Әбужақынова еліміздегі телеарнаның бірімен кәсіби және жеке жоспарларымен бөлісті, деп хабарлайды Zakon.kz.

Сүбелі сұхбат 1 желтоқсанда Qazaqstan телеарнасының «Әйел әлемі» бағдарламасында жарық көрді. Әбибаның айтуынша, моральдық-психологиялық тұрғыдан ол әлі күнге дейін Олимпиада ойынындағы сәтсіздігінен қынжылады.

«40-қа келсем де, 50-де болсам да Париж Олимпиадасындағы жеңілістің ащы дәмін ұмытпаймын. Бала кезімнен спортшы болу үшін көп нәрседен бас тарттым. Отбасылық мерекелер, той-жиындар бәрі менсіз өтті. Сондықтан менің қазіргі басты міндетім — келесі Олимпиада ойындарына ден қою»,- деді спортшы.
Сөз арасында бағдарлама жүргізушісі спортшының отбасылық тұрғыдағы жоспарларын сұрады.

«Әйел адамның бақыты отбасында екенін білемін, бірақ мен алдымен спорттағы арманымды орындауым керек. Олимпиала медалінсіз тұрмысқа шықпаймын», — деп түйіндеді дзюдошы.
Оның айтуынша, ода әртүрлі медальдар жиынтығы бар, бірақ бақытты болу үшін Олимпиада медалі жетіспей тұр.