947 миллион теңге жымқырған қазақстандық Дубайда ұсталды

Сурет: Polisia.kz

Компанияның қомақты ақшасын иемденген қазақстандық Дубайда ұсталды, деп хабарлайды jasqazaq.kz.

Polisia.kz хабарлауынша, 2022 жылы күдікті адамдар тобымен алматылық ЖШС-лердің бірінен өзіне қарасты компанияның шотына қаражат аудару арқылы 947 миллион теңге жымқырған.

«Дубайда Қазақстан ІІМ Интерпол Ұлттық орталық бюросының сұрауы бойынша Қылмыстық кодекстің 189-бабында көзделген қылмысты жасағаны үшін (Аса ірі мөлшерде сеніп тапсырылған бөтен мүлікті иемденіп алу немесе талан-таражға салу) халықаралық іздеуге жарияланған ер адам ұсталды», — делінген хабарламада.

Қазіргі уақытта ер адам қамауда. Оны экстрадициялау мәселесі шешіліп жатыр.